اسپرانتو

Esperanto (بنیاد:Lingvo Internacia یہ بہت تیزی سے پھیلنے والی عالمی زبان ہے۔ اس کا نام خفیہ نام سے ماخذ ہے"Doktoro Esperanto"۔ اس نام کے تحت یہودی ڈاکٹر لڈوک لزارس ضامن ہوف نے 1887 کو اس زبان کی بنیادی اصولوں کی کتاب شائع کی تھی۔ اس پہلی کتاب کا روسی ورژن نے کافی پذیرائی حاصل کی اور 26 جولائی کو ہی اسپرانتو زبان کی پیدائش کے دن کے طور پر تسلیم کر لیا گیا۔ ضامن ہوف کا مقصد تھا جس میں وہ کامیاب بھی ہوا کہ اس نے ایک ایسی زبان تخلیق کی جو سیکھنے کے لحاظ سے آسان، غیر جانبدار اور عالمی ابلاغ کے لیے مؤثر ہے۔ اس زبان کا مقصد ہرگز یہ نہیں ہے کہ وہ کسی دوسری قومی زبان کی جگہ لے بلکہ اس کے ساتھ چلے جسے آسانی سے سیکھا جا سکے، جو غیر جانبدار ہونے کے ساتھ اقوام کے مابین ابلاغ کے لیے منصفانہ لسان کے طور ہر کام کرے۔

اگرچہ کسی بھی ملک نے اسپرانتو کو سرکاری زبان کے طور پر قبول نہیں کیا، مگر ہنگری اور چین جیسے کئی ممالک میں اسپرانتو کو سرکاری طور پر تعلیمی نصاب میں شامل کیا گیا ہے۔ یہ زبان، انٹرنیشنل کمیونٹی کے ذریعہ استعمال کی جاتی ہے، ایک اندازے کے مطابق اس کے بولنے والے ایک لاکھ سے دو ملین (زبان کے بولنے کے درجے کے حساب سے) تک ہیں؛ مختلف اندازوں کے مطابق کئی ہزار ایسے افراد بھی ہیں جو اسے مادری زبان کے طور پر بولتے ہیں۔

اسپرانتو معروف عوامی شخصیات کی حمایت حاصل کرنے کے ساتھ متعدد بین الاقوامی اعزازات بھی حاصل کیے ہیں مثال کے طور پر یونیسکو کی دو قراردادیں۔ یہ زبان فی الحال سیاحت، خط و کتابت، عالمی ملاقاتوں اور ثقافتی تبادلوں کے دوران باہمی افہام و تفہیم کے لیے، کانگریسوں، سائنسی مباحثوں، اصل اور ترجمہ شدہ ادب، موسیقی، تھیٹر، سنیما، پرنٹ اور آن لائن رپورٹنگ، ریڈیو اور ٹیلی ویژن کی نشریات کے دوران باہمی مفاہمت کے لیے استعمال ہوتی ہے۔

اسپرانتو کا ذخیرہ الفاظ زیادہ تر مغربی یورپی زبانوں سے اخذ شدہ ہے، جبکہ اس کی نحو اور شکلیات پر سلاوی زبانوں کے اثرات شامل ہیں۔ مورفیمز تبدیل نہیں ہوتے اور انہیں تقریباً کسی حد بندی کے بغیر جوڑ کر مختلف معانی کے حامل نئے الفاظ بنائے جا سکتے ہیں، اس لیے اسپرانتو اور تجزیاتی زبانوں کے مابین بہت زیادہ مشترکات ہیں جیسا کہ چینی زبان، اس کے برعکس، اسپرانتو کی اندرونی ساخت کسی حد تک لاحقوں پر مبنی زبانوں کی عکاسی کرتی ہے جیسے جاپانی، سواحلی یا ترکی۔

اسپرانتو، قومی زبانوں کے مقابلے میں آسانی سے اور تیزی سے سیکھی جانے والی زبان ہے جس کا یقینا" بہے فائدہ ہے۔
مختلف مطالعات سے یہ بات سامنے آئی ہے کہ یہ زبان سیکھنے میں قومی زبانوں کے مقابلے میں 5 سے 10 گنا آسان ہے۔ اچھی ابلاغی صلاحیت کی سطح پر پہنچنے کے لیے صرف 3 سے 6 ماہ درکار ہیں۔ اس سطح پر آسانی سے خود سیکھ کر بھی پہنچا جا سکتا ہے (جو عام طور پر ذرا مشکل کام ہے یا زیادہ تر زبانوں کے لیے ایسا ممکن نہیں ہے)۔ اس زبان کو سیکھنے والے افراد کا تعلق مختلف ممالک سے ہے۔ 120 سے زائد ممالک میں اسپرنتو کلب، گروپ اور انجمنیں موجود ہیں۔

اسپرانتو زبان سے متعارف کروانے والا لنک

• وکی پیڈیا پر اسپرانتو کے متعلق عمومی معلومات (بائیں جانب مینیو سے اپنی زبان میں تبدیل کریں)
• اسپرانتو کی تاریخ کے متعلق
• اسپرانتو تحریک کے متعلق
• اسپرانتو گرامر کے متعلق
• اسپرانتو ادب کے متعلق
• فلماسپرانتو ہے ۔۔۔
• Esperanto – Building a Language Bridge (اسپرانتو: لسانی پل کی تعمیر)

اسپرانتو ایکھنے کے لیے لنکس

• اسپرانتو سیکھنے کے لیے مشہور ویب سائٹlernu!
• Duolingo جو کہ مشہور و معروف مفت سروس ویب سائٹ ہے جس کے ذریعے مختلف ذبانیں بشمول اسپرانتو سیکھی جا سکتی ہیں۔ اسپرانتو کورس، انگریزی، فرانسیسی، ہسپانوی اور پرتگیزی میں بھی موجود ہے جبکہ چینی زبان میں یہ کورس تیاری کے مراحل سے گذر رہا ہے۔
• اسپرانتو سیکھنے کے لیے مفت پروگرام
• مفید اور مشہور و معروف Zagreba metodo کے ذریعے اسپرانتو سیکھیں